Phainai 8 august ni salmari oh panchayat chongmari wngnai. Chongmari oh BJP bodol kwplai wngnai hinwi kha khwlaikha montri okra. Asalo koktwma thumnai rokni bwskango panchayat chongmarini results no twiwi kok sakha haste ni montri okra Dr.Manik Saha. Koktwma thumnai rok bai kok sungjagwi kok phirogna thangwi montri okra sakha, montri bokhorok Narendra Modi no puito chawo haste ni lukorog. Aboni bagwi no panchayat chongmari oh kaham results khwlainai BJP bodol. Asalo montri okra teibu sakha, haste ni kwcham montri okra Manik Sarkar bini kaisa kok samano twiwi haste rwgwi ulta palta kok pirwi tongo bo. Montri okra sakha, montri okra tongmani jora oh kwcham montri okra Manik Sarkar bo sao je, haste oh kebengnai bodol rokni kaisa phano vote kwrwi hinwi. Abohai sana ni nango no hinwi sakha tabokni montri okra. Phainai 8 august ni salmari oh panchayat chongmari ni vote wngnai. Vote ni results sakhwlai jaknai phainai 12 august ni salmari oh. Swrang salo vote naharnai sebok rok vote kendra oh thangkha. Chongmarino bwskango toniwi jeswk nangmani yapri naharwi tongo haste ni election commission.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
