Bisi kolokma ramwi dalbidal ni hoda hamkrai ni samungo gwdalwi tongnai Shrestha Bhuvan no kha kaham tei hamjakma yapharkha montri bokhorok Narendra Modi. Hakotor ni montri bokhorok Narendra Modi hakotor ni hamkrai ni bagwi samung khwlaimani bagwi Shrestha Bhuvan ni bwkhak twi bini ayo kolokni bagwi kha-phurmung bwlai rahorjakha. Aboni yagulo Narendra Modi bo Shrestha Bhuvan ni members rokno kham kaham yapharkha. Tangsalo Agartala press club oh kaisa kokthum panda khwlaiwi abohai no sakha Shrestha Bhuvan ni president Biplab Kanti Bhowmik. Asalni kokthum panda oh Shrestha Bhuvan ni president sakha, Shrestha Bhuvan ni samung bwtangno twiwi kaham khwlaiwi no sawi mano montri bokhorok Narendra Modi. Lukorog ni hamkrai ni bagwi dalbidal ni hamkrai ni samung khwlaiwi tongo Shrestha Bhuvan. Montri bokhorok ni bising twi borom manmani bagwi belai no kha-phurlaijak hinwi sakha Shrestha Bhuvan ni president Biplab Kanti Bhowmik. Aboni yagulo montri bokhorok Narendra Modi no hambai yapharkha bodol ni members rok. Asalni kokthum panda oh Shrestha Bhuvan ni president Biplab Kanti Bhowmik teibu sakha, kubuni bisi ni hai khe no takwlai bisi oh bo borok ‘Har Ghar Tiranga’ samung bwtang panda palainai hinwi sakha. Aboni wngwi no asalni kokthum panda oh manjaknai koktwma thumnai rokno bharat ni bana bagwi rikha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
