Tangsalo Labor Monitoring Cell authorized, All Tripura Mini Truck Association ni luajimung bai kaisa panda ni bising twi 7-Ramnagar bidhansabha kendra ni kwtal MLA Dipak Majumder no borom yapharjakha. Asalni panda Durga Chowmony ni Biponi Bitan oh songchajakha. 2018 bisi ni haphang swnamthani worker rok jetwikhe sak baithangno samungo chopokha, aboni bagwi borokno hambai yapharkha kwtal MLA Dipak Majumder. Asalni panda oh kok narukna thangwi mayor eba MLA Dipak Majumder sakha, aulino trafic jamp ni yak kakrina bagwi malkhung bugra tei worker rokni chubachu belai no nango. Asalni panda oh mayor no karwi bo manjakha municipal council ni 14 no ward ni corporator Snigdha Das Deb no khobui kubuni adongrok. Khursathai kwlai oh sal kisa swkang Durga Chowmony ni Biponi Bitan nainani thangwi aro hamya raida bai thai segwi tongnai kwbangma sheed rokno khali khwlainani bagwi dagikha mayor eba MLA Dipak Majumder. Tangsalni phungo hamya raida bai thai segwi tongnai rok borokni sheed ni chabi mayor ni yagu yapharwi rikha hinwi sai mankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
