Panchayat chongmari no bwskang o tonwi kokti salo 54 kadamtala kurti bidhan sabha kendra bai khobjak baghan kwchug rwng nogo BJP ni ringma bai kaisa chongmari no twi sabha khwlai jak kha, ah sabha o kok narugkha haste ni thung tang bedek ni montri Tinku roy, loku thum panda o montri no karwi bo phawi manjak phai kha pradesh BJP ni minority morcha ni achugphang Billal miah, hangkor BJP ni achugphang Kajal das, kadamtala panchayat samiti ni chiarman eba kadamtala panchayat samiti 6 no. achugthai ni BJP bodol ni batainai Subrata deb,hangkor parisad 2 no.achugthai ni BJP bodol ni batainai Mamoni roy akoosng, ah lokuthum panda o kok narugna phuru montri Tinku roy yaksi bodol ni phasing naharwi khuk kengkha.bo saklai kha, hakotor independent ung mani 77 bisi ungkha, abo hai jora ni bising o kwdukma bisi romwi yaksi rok haste o naikol mwng khwlai kha, kadamatla kurti kendra o 35 bisi romwi MLA tong mani Foijur rahaman, phiya ba ah baghan amchai o mwng sa bo samwng ungliya. amchai o simi kai nwi kai tham tui ni machin tong mani, montri teibo sakha, samwng khwlai nani bukha o mwchug ma tong khe 25 bisi o amchai o kwbangma lama ung kha mu, tabuk kami hatai rogo kwbangma lama ungkha. bo teibo saklai kha, agi rogo agar buphang tankhe police romwi twlang thang o,phiya ba tabuk haste o agar polocy ungkha, agar buphang ni bagwi license rwjakha, amchai ni bania khwlai nai rok agartala tei delhi o thangwi agar buphang ni bania khwlai tong kha. lokuthum panda o abo ni logi kok narugkha pradesh BJP ni minority morcha ni achugphang Billal miah, BJP north hangkor ni achugphang Kajal das akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
