Phainai panchayat chongmarini bagwi koktisalo haste ni 35 block oh vote naharnai sebok rok vote rikha. Asalo kubuni block ni hai khe no aulini Lagua Dukli RD Block oh bo vote naharnai sebok rokni vote wngkha. Block ni panchayat samitini hall oh vote naharjakha. Phungni dam chi ni simi sarikphangni dam bwrui jora vote naharmung cholinai. Dukli block oh bebagwi EDV voter ni mari 222. Aroni bisingo polling personal tongo 96, Police tongo 69, tei kubuni staff rok tongo 57. Oh block oh kubuni kaisa koiso block ni sebok rokbo vote rikha. Asalo Dukli block ni BDO eba returning officer Sushanta Datta oh kok rokno swbaiwi sakha. Dukli block ni Zela Porisad ni kaiba center ni bisingo kaitham center oh vote naharjagwi tongo. Aborok wngkha salthang Zela porisad ni 13,15 tei 17 no chongmarini center. Abono karwi bo Kanchanmala ni kai bwrwi gram panchayat ni bagwi vote wngnani thangwi tongo. Khursathai kwlai oh, Dukli RD Block bai khobjak bebagwi 23 gram panchayat tongo. 23 gram panchayat oh bebagwi seat tongo 277. Aroni bisingo kai bwrwi center oh vote naharjagwi tongo. Tei baki rogo kekengnai bodol rok batainai ni mung nomination riya ni bagwi bataiya karwi no kwplai wngkha BJP bodol. Abohai khe no Dukli RD Block bai panchayat samitini 11 seat oh kebengnai bodol rokni khorok sa batainai ni mung riya ni bagwi bataiya karwi no kwplai wngkha BJP.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
