Panchayat chongmarino kitingwi Khowai oh hai no hai tungphwlakha. Panchayat chongmari oh BJP ni wngwi batainai no khobui kwbangma sipai rok no chopropkha samung sitra khwlainai rok. Chasalni horo Khowai bwkhaste ni Ramchandraghat bidhansabha bai khobjak salgwra Padhabill amchai oh. Chasalni horo salgwra Padhabill kami oh BJP ni wngwi batainai Dilip Sukla Vaidya ni nogo chopropkha samung sitra tangnai rok. Samung sitra tangnai rokbai chopropjagwi dukhumankha BJP ni wngwi batainai Dilip Sukla Vaidya. Aboni yagulo samung sitra tangnai rok Sankar Deb ni nogo thangwi chopbrogwi kha. Patimungo Sankar Deb no khobui bini nukhungni borok rokbo dukhumankha. Aboni yagulo samung sitra tangnai rok panchayat chongmari oh BJP ni bataibai Subrata Deb ni nogo choprobwikha, patimungo belai no dukhumankha BJP ni wngwi batainai Subrata Deb. Aboni yagulo sak dukhumanai rokno amchaini lukorog Khowai hangkhor ni sakham nogo twlangkha. Chasalni horo BJP ni wngwi batainai Subrata Deb patimungno twiwi swbai sukurwbwi sai khwna rikha.Patimungni koktwma manwi asalni horo no Khowai hangkhor ni sakham nogo thangkha Ramchandraghat bidhansabha kendra ni mondal president Sanjiv Debbarma. Patimungno twiwi belai no selengjakha bo. Patimungo gwdaljak joto samung sitra tangnai rokno romnani bagwi sankha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
