Phai tongnai panchayat vote no kitingwi kokti salo tong mani pirlai mwng, ah salo kotor bike rally khwlawi badharghat bidhan sabha kendra ni kai ba kami panchayat o rally khwlaikha BJP bodol.bike rally belabar school bwskang ni simi chengwi rwkha,ah rally o phawi manjak phai kha badharghat bidhan sabha kendra ni MLA jwk Minarani sarkar,salthang Tripura hangkor parisad ni 17 no.kendra ni BJP ni batainai Uttam das,BJP ni sadar hangkor achugphang Ashim bhattacharjee,agartala pura nigam ni kwbangma ward ni corporator ni logi BJP ni yuba morcha ni tangphang Rana ghosh bo phawi manjak phai kha, ah salo pirlai mwng no kitingwi BJP sadar achugphang Ashim bhattacharjee sakha,montri bokhorok Narendra modi ni naikol mwng o kendriya hapang tei montri okra Dr. Manik saha ni jora o samwng nugwi loku rok kha phurjak.tei loku rok BJP ni gana tong o.phai tong nai panchayat vote o salthang hangkor parisad ni 17 no.kendra BJP ni batainai Uttam das no kwbang vote rwoi kwplai khwlai nani nang nai, ah bike rally o badharghat bidhan sabha kendra bai khobjak kaiba kami panchayat ni samwng khwlainai rok phawi manjak phai kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
