Chasalo Umakanta mini stadium oh songchajak B-Division league oh Tripura Sports School tei Skylark ni match oh Assistant Referee ni barja samulokkha Raktim Saha. Bisi dok ramwi ground oh ongkhorya tongmani, phiyabha paithago Tripura Football association Committee ni Joint Secretary eba ah jora ni town club ni team manager Tapan Saha ni koimung bai ground oh kiphilwi phaikha Raktim Saha. 2018 bisi oh Chandra Memorial ni A-Division league ni match oh thwngkha Agiye cholo songha tei Town club, asalni match oh referee wngkha haste ni mung gwnang referee Raktim Saha. Ah jora ni ah match oh no town club ni team manager Tapan Saha tei referee Raktim Saha ni bisingo penalty no twiwi kok banglaikha. Aboni yagulo referee Raktim Saha no bisi dok ramwi ground ongkhormani nukjakliya. Paithago bisi dok ni yagulo Tripura Football association Committee ni Joint Secretary eba ah jora ni town club ni team manager Tapan Saha ni koimung bai ground oh kiphilwi phaikha Raktim Saha. Chasalo Umakanta mini stadium oh songchajak B-Division league oh Tripura Sports School tei Skylark ni match oh Assistant Referee ni barja samulokkha Raktim Saha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
