Police no chopropmani tei police ni samungo kebengmani koksilsamungno kitingwi khorok nwi borok no romkha. Abohai no patimung patikha Teliamura oh. Romjaknai rokni mung wngkha Parthasarathi Debbarma tei Kamlesh Debbarma. Sangrong salo Teliamura thana bai khobjak Gamaibari amchai oh kaisa BSF malkhung bai khorok sa college oh rwng swrwngwi tongnai ni bike thutaikha, aboni yagulo khorok nwi ni bwkhak twi no kok salaiwi mamla paikha. Ah jora oh patimungni koktwma manwi aro thangwi sagwikha Teliamura thana ni police. Patimungni koktwma naharwi tongmani jora oh kaisa scooty twiwi khorok nwi borok phaikha. Aboni yagulo scooty bathakriwi Teliamura thana ni police officer Manojit Debbarma bai kok banglaikha borok. Waire wai no police borokno thangnani bagwi koikha, phiyabha ah khorok nwi borok rok ulta palta kok salaiwi no tongo, aboni logi police officer Manojit Debbarma ni saka oh yak tisakha ah khorok nwi rok, patimungno nogwi patimung thai oh duty khwlaiwi tongnai constable Rafiq Mia ah khorok nwi borokno mana khwlainani thangkhe, ulta Rafiq Mia ni saka oh yak tisakha borok. Patimungni yagulo Teliamura thana ni police Parthasarathi Debbarma tei Kamlesh Debbarma no ramwi Teliamura thana oh twlangkha. Sangrong salni horo patimungno twiwi Teliamura thana ni OC Rajib Debnath sakha, Parthasarathi Debbarma tei Kamlesh Debbarma police ni samungo kebengmani bagwi kaisa mamla khwlaikha sub-inspector Manojit Debbarma. Phasalo borokno dorbar nogo tisajaknai tei baisa bwkhak patimungni yagulo borokno kwrak satokmung rinani bagwi khorang kasakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
