7-Ramnagar ni By-election oh BJP ni wngwi bataiwi kwplai wngkha Agartala municipal corporation ni mayor eba MLA Dipak Majumder. Phasalo kwtal MLA no borom yapharkha Tripura Adibasi mohila samiti ni members sng. Abono kitingwi samitini tangnogo kaisa panda songchajakha. Asalni panda oh kwtal MLA eba Mayor no borom yapharkha samiti ni members sng. Asalni panda oh kok narukna thangwi bo sakha, sal kolokma ramwi okologo kwlaijak adibasi rokni hamkrai ni bagwi sak tharwi samung khwlaikha oh samiti. Borokno sinai nuknai swnamnani bagwi yapri naharkha samiti. Abo simiya kwbangma training ni bising twi borokno sak baithangno bhachariwi manrina bagwi samung khwlaikha samiti. Tabok ni haste haphang bo oh samiti no chubachu khwlaiwi tongo. Tripura adibasi mohila samiti ni samung bwtang no nogwi samitini joto members rokno kha kaham tei hamjakma yapharkha mayor eba MLA Dipak Majumder. Asalni panda oh samiti ni members rokno karwi bo manjakha adibasi hostel ni swrwngnaijwk sng.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
