CRPF constable post ni sebok twlangjaknai. Aboni bagwi dalbidal haste ni bagwi twlangjaknani mari bagwi rijakha. Phainai 20 august ni simi physical test chengsajaknai. Phiyabha phatar haste ni eba UP tei Bihar ni sikla rok haste oh phaiwi rang riwi PRTC naharwi tongo. Bisi brom brom ni hai khe no, takwlai bisi oh bo haste ni sikla sikli rokni bohokgo usta rinani naiwi tongo phatar haste ni sikla sikli rok. Aboni koktwma manwi phasalo aulini Astabal thwngkhola bwskango kothomlaikha haste ni sikla rok. Asalni jolilaimung phunukmani panda oh manjaknai khorok sa sikla sakha, phatar haste ni sikla rok sal kisa swkangno haste oh phaiwi 1.5 lakh rang riwi hamya raida bai khe PRTC nawi tongo. Kubuni bisi ni hai khe no takwlai bisi oh bo haste ni sikla rokni vacancy ni sebok nana naiwi tongo borok. Aboni bagwi patimungno twiwi kisa naikolna bagwi montri okra ni thani koikha borok. Asalo kothomlaimani koktwma manwi patimung thai oh thangwi sagwikha Salka Thanani police. Police rok haste ni kothomlainai sikla rokno norwi kubuni thai oh twlangkha. Phiyabha aro manjaknai khorok sa sikla sakha, abono twiwi phainai salo borok teibu kotor choba oh ongkhornai hinwi sakha.
Rwngnogni panda oh manjakha Governor Indrasena Reddy Nallu
Phasalo Teliamura bwkhaste ni Duskir Hari Radha Vidyamondir ni panda oh thangwi manjakha haste ni Governor Indrasena Reddy Nallu. Asalni...
