Swrang sal ni sarig o Telangana ni Governor ungwi swmai tangkha Jishnu debbarma.swrang salni phung o no Telangana ni phasing lam rwkha agartala ni simi. hydrabad airport o bono”Guard of Honour” rwkha, aro ni simi bo rajbahvan o thangwi paikha, sanja jora rajbhavan o songsa jak kha swmai tang mani panda, kwtal governor no swmai tang rwkha Telangana high court ni Chief Justice Alak Aradhe.swmai tang mani ulo montri sabha ni ojama songbai sini mwng rwjakha Jishnu debbarma no, montri sabha ni ojama song bai governor Jishnu debbarma no sini rwmani phuru logi tong o Telengana haste ni montri okra AR reddy,abo ni logi panda o phawi manjak phai kha Telengana haste administration ni kwchug thai ni samwng khwlainai rok. swrag sal ni sanja jora delhi ni phasing lam rwnai governor Jishnu debbarma,sangrong sal ni simi delhi o governor rok ni sommelon cheng jak nai, ah sommelon o thangwi manjak nani bagwi no Telengana ni kwtal governor Jishnu deebarma thang nai delhi o. ah salo governor ungwi swmai tang mani logi logi no Tripura ni bagwi laibuma swnam jakha, tangwi hwnkhe tabuk no puila haste ni simi kebo no hakotor ni bagwi governor hwnui chonghorwi rwkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
