Mandir o thangwi chati mwsugwi surimwng sanwi panchayat chongmari ni vote ni pirlai mwng khwlaina bagwi ongkhor kha montri Sukla charan noatia, vote ni pirlai mwng o montri no logi rwkha block panchayat samiti ni 8 no. achugthai ni BJP ni batainai Tapash dutta tei hangor parisad ni 13 no. achugthai ni BJP ni batainai Shilpi nama. Cha salni simi phai tongnai panchayat chongmari no kitingwi vote pirlai mwng ni bagwi ongkhorkha montri Sukla charan noatia.ah salo vote ni pirlai mwng ni swkang puila o jolaibari block bai khobjak santiniketan kami o mwtai nogo chati mwsugwi suri mwng khwlai kha montri. montri bai phawi manjak phai kha jolibari block ni panchayat samiti ni 8 no. achugthai ni BJP ni batainai Tapash dutta tei hangkor parisad ni 13 no.ward achugthai ni BJP ni batainai Shilpi nama ni logi BJP ni samwng khwlainai rok. ah salo batainai rok no twi nok nogo thangwi vote ni pirlai mwng o phawi manjak phai kha montri. vote ni pirlai mwmg o ongkhorwi montri Sukla charan noatia saklai kha, jolaibari RD block panchayat samiti ni kai chi sa achugthai tong o, abo ni bising o kai dok achugthai o kebeng nai bodol rok batainai rwoi manliya, tei chongmari ung nai kai ba achugthai o. chongmari ung nai hangkor parisad ni kai tham kendra o. ah salo panchayat samiti ni 8 no. achugthai ni batainai Tapash dutta tei hangkor parisad ni 13 no. achugthai ni BJP ni batainai Shilpi nama ni support o nok nogo pirlai mwng pawi montri Sukla charan noatia hangkor parisad ni 12 no. achugthai ni BJP ni batianai rok nok nogo vote ni pirlai mwng o thangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
