National Education Policy chengsamani bisi bwrwi sal pungsama salno kitingwi hakotor ni kwbangma rwngnogo education week samung bwtangni yapri naharkha. Tangsalni simi haste ni dalbidal rwngnogo bo chengsajakha. Hati barsa ramwi salsa salsani salo kaisa kaisa divas palaiwi tongo. Chasalo kwbangma rwngnogo songchajakha Eco Clubs for Mission Life Day. Asalni panda oh dalbidal rwngnogo bwphang kaimung panda songchajakha. Aulini Vani Vidyapith Valika school oh bo bwphang kaimung panda songchajakha. Asalni panda oh nogorai okra wngwi manjakha Agartala municipal corporation ni mayor eba MLA Dipak Majumder. Asalo rwngnogni bwskango bwphang kaikha mayor Dipak Majumder. Asalni panda oh kok narukna thangwi mayor sakha, National Education Policy bisi bwrwi sal pungsama salno kitingwi Vani Vidyapith school oh bwphang kaijakha. Asalo achugwi rikdi bataimung panda bo songchajakha. Phainai generation no kaham habar rinani bagwi bwphang bo kaijakha. Bwphang kaima simi bai wngya, bwphang no kaham khe naikolna nangnai hinwi sakha bo. Asalo Eco Clubs for Mission Life Day palainano kitingwi Vani Vidyapith school ni rwng swrwngnaijwk sngno twiwi achugwi rikdi bataimung songchajakha. Rwngnogni swrwngnaijwk sngni yagbai rikjak kwbangma art rokno goriwi naikha mayor eba MLA Dipak Majumder.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
