Thanai 22 july ni salmari oh Dharmanagar doly ni Nayapara Gita Bhavan gana ni amchai oh 50 lakh rangni yabha tablet romkha Dharmanagar ni police. Aboni logi Assam Karimganja hangkhor ni Asimganja amchaini Jabrul Haque tei AS10F/6550 number ni kaisa pulsar bike tei AS23AG/8055 number ni Thar malkhung no romkha. Patimungno twiwi police super Bhanupadh Chakroborty sakha, phekjaknai manwi phalnai rokno romnani bagwi thanai sal kisa ramwi planning khwlai laikha borok. Paithago tangsalni phungo yabha tablet painai wngwi Assam ni khorok sa yabha bania khwlainai Jabrul Haque bai phone khwlaiwi kok sakha khorok sa police. Call khwlaiwi kok samani yagulo asalni phungo Panisagar ni Jolebasa amchaini kaisa itt bhatta gana oh yabha tablet painai wngwi naiwi phaikha khorok sa police. Phiyabha aro police ni operation success da wngno wngya hinwi rang puisa ni kok rok simi sawi phaikha. Phiyabha ah jora oh phano police rok sawi manyakhu je, yabha tablet phalma oh haste ni khorok sa police bo gwdaljak hinwi. Phekjaknai manwi ni bania khwlainai rok bike twiwi bwskango phaiwi tongmani, tei bini okologo khungsa Thar malkhung phaiwi tongo. Sarikni dam bwrwi jora oh yabha tablet ni bania khwlainai rok Dharmanagar ni Nayapara ni Gita Bhavan amchai oh thangkhe AS23AG/8055 number ni kosom colour ni Thar malkhung no nogwi siniwi mankha operation khwlainai police rok. Borok siniwi mankhe je, oh thar malkhung Damchara thanani costable Santosh Shil ni hinwi. Ah jora oh malkhungni yabha tablet kupulung kaisa bag tikhalaiwi bike chaloknai Jabrul Haque ni yagu rikhe no police rok borokno chopropna chengkhe, ah jora oh Thar malkhungo tongnai kharwi thangswlabkha, phiyabha Jabrul Haque tei Thar malkhung no khobui kaisa bike no bo romkha police. Paithago sangrong salni horo Damchara amchai oh phekjaknai manwi phalmao gwdaljak police constable Santosh Shil no romkha police. Damchara thana oh sebok khwlaiwi tongmani bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
