Sak baithangni nogo Heart disease wngwi thwikha Nirmahal Debbarma mungwi khorok sa tiprasa. Patimung patikha Gandachara Narayanpur Mog para ni amchai oh. Gandachara ni CDPO office oh supervisor ni post sebok khwlaiwi tongo. Patimung no twiwi thwinai ni khorok sa bayap sakha, Nirmahal Debbarma ni bwkrabari Manipur oh. Bisi brom brom no waisa bupha ni nogo thango bo. Abo hai khe no thanai kwrak salni phungo bupha ni nogo thangkha Nirmahal ni bihik. Aboni yagulo office oh thangkha Nirmahal Debbarma. Phiyabha swrang salo bo office oh thangliya. Bini office staff rokbo bono call khwlaikha. Phiyabha bono call khwlaiwi manliya. Bini bayap rokbo waire wai no call khwlaikha, phiyabha sangrong salni phungo bini bayap no khobui amchaini borok rok bini nogo thangkha bono nainani thangkha, phiyabha bini nogni dogolam bising twi sojak. Aboni yagulo rihinna chengkha borok, Phiyabha call khwlaikhe nog bisingni sound phaiwi no tongo. Phiyabha waisa phano call tisaya, Aboni yagulo Gandachara thana oh koktwma horkha. Police phaiwi nogni doga swbaiwi bisingo hapkha. Aboni yagulo bisana oh thwijak khwlaiwi Nirmahal Debbarma no nogwi mankha. Police puila wansukha Heart disease wngwi thwikha bo. Phiyabha post-mortem khwlaimani yagulo no sawi manai bahai khe thwikha bo.Belai no borok kaham tongmani Nirmahal Debbarma. Asalo bini thwimani koktwma manwi bini nogo thangkha bini staff tei amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
