Maharajganja hati ganani town-Pratapghar center ni boundari wall kwrwi ni bagwi lukorog center ni ground no manwi hamya khibijaknai tei parking khwlaijaknai thai swnamwi rikha. Patimungno twiwi amchaini ojama sngno sanwi hinwi sakha amchaini khorok sa borok. Hakotor ni yogsanani bagwi sak baithangno bedugwi rikha Surjya Sen eba Masterda. Bono borom yapharwi no aulini Maharajganja hati gana ni town-Pratapghar ni hoda hamkrai tei hoda rwng center ni luajimung bai swnamjakha Surjya Sen Anganwary center. Kaisa jora oh Anganwari center goriwi boundari rijak tongmani. Phiyabha tabok boundari ni wall baimani bai amchaini lukorog kha-muchung twi no malkhung rok parking khwlaiwi tongo. Aboni logi anganwari ni ground oh manwi hamya, tei chuwak bottle rok khibijak nogwi mankha. Manwi hamyani bahai bai cherai rok aro achugwi lekha swrwngwi manya wngwi tongkha. Patimungno twiwi Anganwari ni incharge sakha, patimungno twiwi waire wai no Maharajganja hati ni phari thana oh mamla khwlaikha, tei police rokbo phaiwi naiphaikha. Phiyabha boundari wall kwrwi ni bagwi kha-muchung twi no malkhung rok parking khwlaiwi kwlango amchaini lukorog, aboni logi manwi hamya rokbo khibiwi kwlango. Aboni bagwi cherai lekha swrwngwi manya wngwi tongkha. Swkangno cherai rokno twiwi out-door ni panda rokno wngo, phiyabha tabok manwi hamya tei malkhung rok parking khwlaimani bagwi out-door program rok khwlaiwi manya wngwi tongkha. Asalo amchaini khorok sa borok sakha, abohai hamya habar oh kaisa anganwari center choliwi manya, abono twiwi amchaini ojama sngno sanai hinwi sakha. Abohai khe no choliwi tongkhe phainai salo oh Surjya Sen Anganwari center kwmawi thanai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
