Kota ni pati mwng no twi tungphulaijak bangladesh.ah kwthumlai mwng ni bagwi bangladesh hakotor ni joto sep no mwthagjak.abo ni logi mwthagjak school tei college bo. lama rogo kwrak khe naikol mwng rwjak sengkwrak bodol tei rwjak curfew. abo hai jora rogo kokti salo bat khe rwjakha kolkata-dhaka maitri express. abo simi ya, rajakhor dhaka ni simi no train thang phai khwlaiya ungwi tong kha lai thanai sangrong sal ni simi no. buphuru joto sep no agi ni hai ung nai abo rok kebo sai manya kho. kokti salo bharatiya rail tang bedek ni bwkhak twi saklai jakha 21 july salmari o dhaka ni simi kolkata ni phasing maitriexpress charug nani kok tong mani, abo rok bo bat khe rwjakha. abo ni logi khuna eba 22 july kolkata ni simi dhaka ni phasing maitri express bo bat khwlai nani gosi mwng nahar jakha. bangladesh ni habar ni kok mwitu tonwi abo hai gosimwng nahar jak kha hwnui sakha bahratiya rail.cha sal jora kota ni pati mwng no twi bangladesh o kwbang no thwi mani mari nukjakha. thwi mani mari thangwi sogwi kha 115.sago dukhu mankha kwbang loku rok no. sangrong salni simi no internet ni sep bo mwthagwi rwjakha. pha salni horo no curfew rwjakha.cha sal ni horo bangladesh “shoot on sight”saklai rwkha bangladesh hapang. sathai kwlai o, kokti sal o kota ni dorbar no twi saklai jak nai hakotor ni wkchug adalat o.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
