Phasalni phungo Teliamura thana bai khobjak Pulinpur amchai oh Kinkar Debnath mungwi khorok sa bolong tangbedek oh sebok khwlaiwi tongnai ni mangkwthwi mankha. Thwinai Kinkar Debnath Champaknagar ni Sadupara oh beat officer ni post oh sebok khwlaiwi tongo. Patimungno twiwi naicherwi tongo police. Phasalni phungo khorok sa bolong tangbedek oh sebok khwlaiwi tongnai ni mangkwthai mankha Teliamura thana ni police. Thwinai ni mung Kinkar Debnath, Beat Officer ni barja oh sebok khwlaiwi tongmani bo. Thwinai ni nukhungni bwkhak twi sakhwlaijakha je, sangrong salni hor kwthogo siniya nukya borok beat officer no call khwlaiwi bini sak baithagni nogo twlangkha. aboni yagulo Kinkar tei bini nukhungni borok rok Kinkar bai kwrwngwi manya wngwi thangkha. Phiyabha aroni bisingo kaisa wanama sinsa kok wngkha- Kinkar no waisa wainwi call khwlaimani yagulo bo siniya nukya borokse kok sao, kinkar bai kok masaliya bini nukhungni borok rok. Aboni yagulo dalbidal thai oh bono rutuknani chengkha borok, ah salni horo no Champaknagar phari police ni thani missing diary khwlaikha nukhungni borok rok. Paithago phasalni phungo Pulinpur amchaini lama gana oh bolong tangbedekni sebok Kinkar Debnath ni mangkwthwi nogwi mankha amchaini khorok sa borok. Amchaini rok sakha, Beat officer Kinkar Debnath no planning khwlaiwi bwtharkha hinwi koksilsakha bo. Patimungni koktwma manwi patimung thai oh thangwi sagwikha police. Aboni swrapsani yagulo forensic bodol rokno patimung thai oh thangwi sagwikha. Puila investigation khwlaimani yagulo police officer sakha, Kinkar Debnath no planning khwlaiwi bwtharkha samung sitra tangnai rok. Patimungno twiwi naicherwi tongo hinwi sakha bo. Koktwma oh teibu sawi mankha, Kinkar Debnath ni mobile bo rutugwi manyakhu hinwi. Mobile rutugwi mankheno patimungno twiwi teibu kaham khe sawi manai. Oh patimungni yagulo Champaknagar amchai oh urpatilaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
