Gandachara ni habar tabok kisa kisa hamrwk hamrwk wngwi phaikha. Thanai sal kisa swkang Parameshwar Reang kubuni bosongni samung sitra tangnai rokbai bowi bwtharjakha, aboni yagulo Gandachara ni habar tungphwlakha. Aboni yagulo Gandachara hati ni phalnog mwthagwi rikha bania khwlainai tei sangrong salo hangkhor naikaol ni dagimung bai no Gandachara hati oh 90 % Tiprasa rok phaiwi manwi paikha phalkha hinwi sakha bo. Thanai 7 july ni salmari oh Gandachara 30 card amchai ni Anandamela oh khoroksa wanjui bosongni milka beram manjak borokno banchirina thangwi wanjui bosongni samung sitra tangnai rokbai bwjagwi thwikha Parameshwar Reang. Aboni yagulo salba ramwi Gandachara amchai tungphwlakha. Aboni yagulo Gandachara bazar ni bania khwlainai rok sak baithangni safety ni bagwi phalnog rok kholobwi tonikha. Aboni yagulo kwrak salni sarigo Dholai hangkhor naikolnai tei hangkhor police super hatini bania khwlainai committee ni adongrok no twiwi kaisa nangkukmani koklam panda oh achukkha. Asalni panda oh bania khwlainai rokni safety no twiwi kok rimani yagulo bania khwlainai rok phalnog rok khologwi rikha. Aboni yagulo kwrak salni sarikphang jora ni simi Gandachara oh tongkwchang ni boyer kiphilkha. Sangrong salo joto bosongni lukorog no hati oh phaibaikha. Abono twiwi Gandachara hati committee ni president Sita nath Saha sakha, bisi kolokma ramwi Gandachara bwkhaste amchaini tiprasa tei wanjui bosongni lukorog ni bisingo kwthalaiwi tonglaimani mangpili nukjagwi tongo. Thanai kisa sal ramwi samung sitra tangnai rok tiprasa tei wanjui bosongni lukorog ni bisingo halok sitra khwlainani bagwi chaitogwi tongo. Aboni bagwi kirijaklaiwi hati no kholobwi tonikha. Aboni yagulo hangkhor naikolnai ni kok bai kwrak salo hati no khologwi rikha bania khwlainai rok. Sangrong salo Gandachara amchaini 90% tiprasa bosongni lukorog mwikhutung phalnani tei painani bagwi hati oh phaikha. Aboni bising twi tiprasa tei wanjui bosongni lukorog ni bisingo kaham halok wngmani nukjakha. Thanai sal rogo jetwi khe khungnwi bosongni lukorog kaham kwrwngni bisingo tonglai oh, tei abohai khe no tongnani bagwi kok kwcharkha Ganchara hati ni president.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
