14 July eba Koktisalni simi chengsajakha haste ni hukumu mukumu rwkjak Chibwri mwtai. Phasalno ramwi sal dok wngkha chibwri mwtai. Salbrom ni hai khe no asalo bo kwbangma boktorok phaimani nukjakha. Aswk satung tungmano tungya hinwi mwtai rilaikha kwbangma boktorok. Haste ni beser beser ni boktorok phaiwi tongo, mungsa swk bejua patimung rok ta patithung hinwi no kwrak naimwthang bodol ni naikolmung tonijakha tei 200 Scout and Guide thepajakha. Aswk satung tungmani jora oh phano sak tharwi samung khwlaiwi tongo borok. Asalo koktwma thumnai rokni bwskango Tripura State Bharat Scouts and Guides Training Commissioner Sapna Dey sakha, boktorokni mungsa phano jwngjal wngyani bagwi mokol kaisonwi samung khwlaiwi tongo borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
