Hor ni andra gundra o kaisa samwng hamya khwlainai bodol bai choprob jakha khrok sa malkhung chalugnai. pati mwng ni kok silsamwng manwi samwng hamya khwlainai no romna bagwi naitug mwng o ongkhor kha Teliamura thana ni police. patimwng o sai mankha, khung sa lori malkhung silchar ni simi agartala ni phasing phawi tong mani jora o 29 krishnapur bidhan sabha kendra bai khobjak chakmaghat amchai o ah malkhung bathak rwkha mai chana bagwi. ah jora o no malkhung ni light rwmani abo no kitingwi samwng hamya khwlainai bodol ah amchai ni simi malkhung chalugnai Sujit boruwa no riphrigkha. abo ni ulo lori chalugnai Sujit boruwa lori no twi Teliamura ni phasing kharwi phai kha tei lori no lama o bathak rwoi khar nani naikha. ah jora no samwng hamya khwlainai sikla bodol Sujit boruwa no kwbuk manwi bai bwtok khwlai kha. abo ni ulo Teliamura thana ni police sago dukhu man nai lori chalugnai Sujit boruwa no khochawi sakham nogo twlang thang kha. abo ni koktwma manwi All driver kalyan sangha motha ni driver rok teliamura thana o phawi sokphai kha tei patimwng notwi thana o kaisa dorbar khwlaikha.tabuk dorbar no yago nawi police pati mwng no twi cherwi naikol nani bagwi ongkhor kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
