Samogra sikkha ni ministerial staff rok kwbangma sanmwng khwlai kha, swrang salo agartala press club o kokthum panda khwlawi kai ba dopha ni sanwmng tisai khuna rwkha All Tripura samogra sikkha ni ministerial staff organisation. Haste nisarba sikkha mission bai naikoljak ministerial staff rok hangkor ni sikkha tang bedek,school inspector office, senior computer assistant office, BRC rogo bisi nwi chi romwi samwng khwlai tong o. phiya ba borok ni betan eba dal bidal sep sap rok teibo tong nai samwng khwlai nai rok ni se kom. tangwi hwnkhe ROP ni kahai borok ni betan bhata rwjakya kho. ah salo motha ni bwkhak twi dati khe borok ni joto sep rwna ni bagwi sanlai mwng khwlai kha, kaiba dopha ni sanlai mwng khwlai mani nuk jakha All Tripura somogra sikkha ministerial staff organisation no. swrang salo agartala press club o kokthum panda khwlai abo hai khe khuk kengmani nukjakha. ahsalo kokthum panda o teibo sakha, dhalai hangkor ambasha IS bai khobjak boloram school ni CRC o samwng khwlainai khorok sa borok school o thangwi tong mani jora o lahar pati mwng o langma chokha. thwi thang nai ni mwng Sangita singha, lai thanai 12 july salmari o pati mwng pati kha, phiya ba sal dok lai thang kh pati mwng pati mani haste hapang eba sikkha tang bedek bedek ni bwkhak twi thwi thang nai nok ni borok rok no mwng sa bo sep rwnai hwnui gosimwng khwlaiya kho. dati khe thwi thang nai nok ni book rok no 10 lakh rang tei nok ni khorok sa borok no sarkari job rwna ni bagwi sanlai mwng khwlai kha motha ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
