Aulini Durga Chowmony ni Biponi Bitan bwskango hamya raida bai parking khwlaimani tei hamya samung tei phekjaknai manwi khwnwi rok phalma rokno phalwi mangwlak hinwi swrai swrai khe sawirikha Mayor Dipak Majumder. Phainai sal sni ni bisingo kholopjak phalnog rok kholoknani bagwi notice rikha hinwi sakha Mayor Dipak Majumder. Amchaini beker tei bania khwlainai rokni hamkrai ni bagwi Durga Chowmony oh ‘Biponi Bitan kendra’ songchakha Agartala municipal corporation. Aboni wngwi no rang kom bai phalnog riwi rikha Biponi Bitan. Phiyabha aroni maximun phalnog kholobwi tonimani bagwi customers phaiyani bagwi bania wngya wngwi tongkha je phalnai khologwi tongnai rok. Aboni yagulo Biponi Bitan bwskango ni thani oh hamya raida bai malkhung parking khwlaiwi tongkha. Horo aro phekjaknai manwi phalmani logi dalbidal ni hamya samung wngwi tongo hinwi saimankha. Amchaini lukorog ni bwkhak twi waire wai no Agartala municipal corporation no sajakha. Paithago dalbidal ni koksilsamungno yachagwi no swrang salo Durga Chowmony ni Biponi Bitan ni thai no naina thangkha 7-Ramnagar bidhansabha kendra ni MLA eba Agartala municipal corporation ni mayor Dipak Majumder. Asalo Mayor ni logi tongkha amchaini corporator, Agartala municipal corporation ni commissioner Shailesh Kumar Yadav no khobui kubuni adongrok. Asalo Biponi bitan goriwi naimani yagulo mayor sakha, maximun bania khwlainai rok bania khwlainani mungwi phalnog bara nakha, phiyabha borok bara bo riya phalnog bo kholokya. Sal sni ni bisingo baki bara ni rang rinani bagwi tei phalnog kholoknani bagwi bania khwlainai rokno notice rikha bo. Aboni logi Biponi Bitan bwskango parking khwlaimano tisawi rinani bagwi Transport Department no swimungnni bising twi sakha hinwi sakha mayor Dipak Majumder. Aboni yagulo bo teibu sakha, Biponi Bitan gana ni cycle stand khwlaimani thai oh phekjaknai manwi rok phalwi mangwlak hinwi sakha. Asalo mayor teibu sakha, Durga Chowmony ni Biponi Bitan ni habar no kiphilwi tubunani bagwi amchaini club ni sipai rokno koikha bo. Asalo Biponi Bitan naimani yagulo biponi bwskango bwphang kaikha mayor Dipak Majumder no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
