Agartala pura nigam ni 36 no. ward amchai beraina bagwi thangwi bwsuk jora twi samwng ungkha abo rok no nai cherwi naikha ramnagar bidhan sabha kendra ni MLA eba agartala pura nigam ni mayor Dipak majumdar.mayor no logi rwkha amchai ni corporator teo agartala pura nigam ni commissioner Sailesh kumar yadab. Ramnagar bidhansabha kendra bai khobjak agartala pura nigam ni 36 no. ward. ah ward ni dal bidal amchai belai naikha agartala pura nigam ni mayor eba 7 ramnagar bidhan sabha kendra ni MLA Dipak majumdar, bo south joynagar kath ni bridge berai naikha, ah bridge kwdukma sal romwi no deramwng rogo kwlai jhk tong mani, loku rok bo ah bridge tw thang phai khwlai thani belai khe no kosto ungwi tong mani, ah bridge thik khwlaina bagwi samwng yago nahar kha, sal nwi saltham ni bising o no bridge ni samwng songsai rwjak nai, ah salo mayor Dipak majumdar kath ni bridge no kaham khe no naicherwi naikha. kok sakha amchai ni tong kosong loku rok bai, abo ni ulo mayor eba MLA Dipak majumdar sakha kokthum thum nai bwskang o kath ni bridge swbawi kaham bridge no swnamwi rwjak nai, phai tong nai november tal ni bising o bridge ni samwng songsai rwjak nai. ah salo mayor Dipak majumdar bridge gana masjid ni lama bo berai naikha, dati khe no ah lama bo thik khwlai rwnai hwnui sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
