Tangsalo huijak koktwma ni bising twi Borjola amchai oh naicherwi khoroktham phekjaknai manwi ni bania khwlainai no romkha NCC thanani police. Borokni yagu naicherwi 560 cota brown sugar mankha police. Aboni logi borokni yagu 2 thousand 980 rupees rang tei kaisa mobile mankha. Romjaknai rokni mung wngkha Animesh Ghosh, Sanjoy Debnath tei Sayan Roy. Romjaknai rokno kebengwi NDPS mamla khwlaiwi tangsalo police remand sanwi dorbar nogo tisajakha. Asalo patimungni twiwi swbai sukurwbwi sai khwna rikha NCC thanani police officer Sushanta Deb. Asalo NCC thanani police officer teibu sawi khwnarikha, romjaknai khoroktham rokni bisingo khorok nwi ni mungwi puila no NDPS mamla khwlaijakha. Romjaknai rokno kaham khwlaiwi kok sungwi borokni logi phekjaknai manwi ni bania khwlainai rokno romnai hinwi sakha NCC thanani police officer Sushanta Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
