GB Sakham nogni Bed sakani kwlaiwi thwikha Supriya Das mungwi khorok sa hamjwk. Nurse tei special nurse rokni naikolmung hamya ni bagwi no abohai patimung patikha hinwi koksilsakha patient ni nukhungni borok rok, tei patimungno twiwi justice sankha thwinai patient ni nukhungni borok rok. Chasalo Teliamura sakham nogni simi GB sakham nogo tubujakha Supriya Das mungwi khorok sa hamjwk no. Asalni sanja jora oh GB sakham nogni cesarean delivery oh khoroksa chwla bwsa bakha Supriya Das. Delivery wngmani yagulo kaham no tongmani buma bwsa. Borokno kubuni ward oh sejakha, Nurse rokni kok no maniwi no buma bwsa rokno kaham khwlaiwi naikolnani bagwi special nurse rok ni sep sap khwlaikha patient ni nukhungni borok rok. Hor ni dam chi jora oh patient no richum rwinani thangkhe, borokno mana khwlaikha sakham nogni sebok rok. Phiyabha tangsalni aichukni dam brwi jora oh patient ni nukhungni borok rokno bisingo ringwi twlangkha nurse. Ah jora oh nogwimankha je patient bed ni tola oh kwlaijak, hama thwk thwk wngjak Patient Supriya Das. Aboni logi logi no patient ni nukhungni borok rok patient no bed oh tisakha. Paithago patient ni nukhungni borok rok patimungno twiwi kebengmani yagulo Dr. no ringwi tubujakha. Phiyabha ah jora oh no swngchar no yakarwi thangkha hamjwk Supriya Das. Asalo patimungno twiwi justice nango hinwi sakha patient ni nukhungni khorok sa borok. Asalni patimungni yagulo special nurse no rutugwi manliya. Oh patimungni yagulo GB sakham nogni Delivery ward ni kubuni patients rokbo belai no jolijakha. Borok sakha, patimungno twiwi kaham justice nango. Khursathai kwlai oh, bisi khaksa swkangno Teliamura bwkhaste ni Meherchara amchai oh Suman Das bai kaijakha Supriya Das. Cherai achaimani koktwma manwi belai no kha-phurjaklaiwi tongmani nukhungni borok rok. Phiyabha sakham nogni nurse tei special nurse ni naikolmung hamya wngmani bagwi borokni kha-phurjakmung rok, kha-khammani boyer oh gwdalwikha. Cherai achaimani dam sa ni yagulo no nurse rokni naikolmung hamya ni bagwi sak baithangni kolija eba cherai no yakarwi thangnani nangkha hamjwk Supriya Das. Patimungno twiwi justice sanwi tonglaikha bini nukhungni borok rok. Phiyabha justice mada mano manya ni hinwi kok sungmung achaiwi tongo lukorogni khogu.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
