Koktisalni phungo Boxonagar bazar ni kaisa chini bosta twiwi nogo kiphilwi tongmani jora oh nog ganani khoroktham sikla rok bai kwbok manwi bai chopropjakha Boxonagar salthangpara amchaini Zafar Sharif. Patimungo belai no sak derakha Zafar Sharif, bini chirikhokmani khorang khwnawi amchaini lukorog phaibaikha, aboni yagulo bono Boxonagar sakham nogo twlangkha amchaini lukorog. Bini phikungo tei yagu kwbok manwi bai rajakha hinwi saimankha. Aboni yagulo bono GB sakham nogo refer khwlaijakha. Mohammad Mataluf, Hanif Mia tei Hamjalal sng bono chopropkha hinwi sakha Zafar Sharif. Aboni logi bo teibu sakha, ah khoroktham bai kwcham mamla no twiwi kaisa jwngjal choliwi tongo. Abono kitingwi no salbrom no bono bwtharnani bagwi sokoromwi bo tongo ah khoroktham borok rok hinwi sakha Zafar Sharif. Koktisalo bono saichung manwi no abohai khe chopropkha hinwi sakha bo. Patimungni koktwma manwi patimung thai oh thangkha police. Phiyabha ah khoroktham borok rok police phaimani sawi manwi amchaini kharwi thangkha. Kaisa mamla no twiwi naicherwi tongo police. Patimungni yagulo belai no tungphwlakha amchai rwgwi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
