Koktisalni simi Chaturdash Devta mondir ni 265 bisi ni hukumu mukumu rwkjak chibrwi mwtai chengsajakha. Asalni phungo chibrwi mwtai no tukurimani yagulni simi chengsajakha chibrwi mwtai. Chibrwi mwtai no kitingwi mondir bwskango chengsajakha ter tei exhibition. Koktisalni dam chi sa oh kharchi ter tei exhibition no phiyogwi rikha haste ni montri okra Dr.Manik Saha. Asalni panda oh bono karwi bo manjakha montri Sushanta Chowdhury, MLA Ratan Chakroborty, MLA Rampadha Jamatia, Agartala municipal corporation ni mayor eba MLA Dipak Majumder no khobui kubuni adongrok. Asalo Chaturdash Devta mondir oh chibrwi mwtai rikha montri okra no khobui kubuni adongrok. Aboni yagulo chati muchungwi chibrwi tei exhibition no phiyogwi rikha montri okra. Asalni panda oh kok narukna thangwi montri okra sakha, hakotor ni hukumu mukumu belai no kwcham, abohai no haste ni chibrwi mwtai bo. Kaisa jora oh Saijara twima twi rung kawi mwtai rinani bagwi phainani nango, tei ah jora oh belai wanama sinsa patimung bo patiwi tongo. Phiyabha tabok technology rok kwchugo kamani bagwi chibrwi mwtai oh thangnani phainani bagwi belai no easy wngkha. Chibrwi mwtai ni puilani salo holiday sakhwlaijago, phiyabha takwlai bisi ni chibrwi mwtai ni puila sal koktisal wngmani bagwi sebok rok suti manliya. Abono wansugwi no chibrwi mwtai ni paithakni sal eba 20 july ni salmari oh sebok khwlainai rokni bagwi suti hinwi sakhwlairikha montri okra. Tabokni generation ni bwskango chibrwi mwtai ni laibuma no twiwi sawi khwna rinani nangnai. Abo simiya oh ter haste ni lukorog ni bisingo thansa ni mari tubuwi phai oh hinwi sakha montri okra. Joto bosongni lukorogno chibrwi mwtai oh phaiwi haste ni thansa ni boyer no bowi toninani bagwi koikha montri okra. Asalo ter phiyogmani yagulo exhibition stall rokno goriwi naikha montri okra tei kubuni adongrok. Hachalni phainai boktorok bai koklam salaikha bo, aboni logi haste ni lukorog no chibrwi mwtai no kitingwi kha kaham tei hamjakma yapharkha montri okra Dr.Manik Saha. Sal sini sal ramwi chibrwi ter cholinai, oh ter no kitingwi mondir bwskango kainwi mancha bo tangjakha. Salbrom no dalbidal ni cultural program tongnai hinwi saimankha. Oh panda oh haste tei phatar haste ni kwbangma artist rok bo phaiwi manjaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
