Kokti sal ni simi chengwi rwjakha siri siti ni mwtai kharchi mwtai eba chi bwrui mwtai. ah mwtai no kitingwi sal sini bagwi khachi mela bo choli nai, kokti sal ni phungni simi chaturdash devta no twi raj chontai tei mwtai rwnai rok hawra twisa o mwtai no twlangwi tuku rwmani nukjakha,abo ni ulo phungni 7.30 ni simi mwtai chengwi rwjakha mondir o. ah salo kharchi mwtai chegwi rwmani jora o mwtai nogo phawi manjak phai kha salthang hangkor ni hangkor naikolnai Dr.Vishal kumar.abo ni ulo hangkor naikolnai mela ni joto thai berai naikha, ah phuru no kokthum thum nai bwskang o salthang hangkor ni hangkor naikolnai Dr.Vishal kumar khuk kengkha, kharchi mwtai tei mela no kitingwi kwrak khe no naikol mwng rwjakha, kwbang khe no TSR seng kwrak rwjakha mela o naikol mwng ni bagwi. borok ni logi tong nai haste ni police rok bo. haste ni hachal ni simi phai nai loku rok ni bagwi rwjakha scout and guide naikolnai.bo teibo sakha taklai bisi ni kharchi mela o 800 ni sebo kwbang stall rwjakha, mwtai chengwi rwjak mani pulila ni sal ni simi no kwbang loku kwthumlai mwng nukjakha, sal sini ni bagwi kharchi mwtai chengwi rwmani abo no kaham khe tong thoklai mani bagwi sakha. ah mela committe ni chairman ungkha amchai ni MLA Ratan chakraborty, kharchi mwtai tei mela no kaham khe naikolna bagwi policetei administration ni logi mela committe ni ojama song bo naikol mwng o tong o hwnui sakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
