America ni former president eba chongmari ni president batainai Donald Trump ni chongmari ni loku kwthumlai mwng o guli koklaikha. samwng hamya khwlainai rok guli kokmani o Donald Trump ni yagra khunju kinar twi lai thang kha. kok narugwi tong mani jora o atomsa khe Donald Trump tola o achugwi thang mani nukjakha. patimwng America ni Pennsylvania Butler o. cha sal ni sanja jora ah pati mwng patikha. former America president Donald Trump no tola o achugwi rwkhe no logi logi secret service ni loku rok bono protect rwoi khibkha. abo ni ulo loig logi no loku kwthumlai mwng ni simi tikhlawi malkhung bai sakham nogo twlang thangkha. ah patimwng o samwng hamya khwlainai no nugwi mankha naikol mwng o tong nai rok. samwng hamya khwlainai rok guli kok mani o khorok sa ni langma arikha. chongmari ni loku thum panda ungwi tong mani gana khung sa nok ni chad sakha ni simi samwng hamya khwlainai rok guli kokkha. tei koktwma o sai mankha loku kwthumlai mwng panda o kwbang no loku rok phai mani bo nukjakha. White house ni bwkhak twi bo kaisa statement bo rwjakha. ah statement o rwjakha pati mwng gwdal jak bo khorok sa ni langma chokha. abo hai pati mwng o naslemwng phunukha america ni kwchug thai ni naikolnai rok. America ni tabuk ni president Joe Biden sakha, America rogo abo hai samwng sitra khwlainai rok ni bagwi thai kwrui. abo hai pati mwng ni bagwi thansa ungwi bacha nani nang nai.patimwng no kitingwi america gwnagui hai hola ung laijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
