Kendra ni kwchuk beremni ojama sngni dagimung bai chasalo BJP Tripura pradesh committee ni luajimung bai Agartala townhall oh kaisa koklam panda songchajakha. Asalni panda oh manjakha kendra montri Dharmendra pradhan, BJP North East ni Co-ordinator Sambit Patra, Haste ni khorok nwi MP Biplab Kumar Deb tei Maharani Kriti Devi Debbarma, haste ni montri okraDr.Manik Saha, pradesh BJP ni president Rajib Bhattcharya, kwcham yakchu montri okra Jishnu Debbarma no khobui bodol ni montri, MLA tei joto mondal ni president rok manjakha. Loksobha chongmari ni yagulo waitham ni montri bokhorok wngmani bagwi Narendra Modi no kha kaham yapharkha BJP Tripura pradesh committee. Chasalo BJP Tripura pradesh committee ni kaisa koklam panda songchajakha. Asalni panda oh manjakha kendra montri Dharmendra pradhan, BJP North East ni Co-ordinator Sambit Patra, Haste ni khorok nwi MP Biplab Kumar Deb tei Maharani Kriti Devi Debbarma, haste ni montri okraDr.Manik Saha, pradesh BJP ni president Rajib Bhattcharya, kwcham yakchu montri okra Jishnu Debbarma no khobui bodol ni montri, MLA tei joto mondal ni president rok manjakha. Asalni panda oh kok narukna thangwi pradesh BJP ni president Rajib Bhattacharya sakha, hakotor ni waitham ni montri bokhorok wngmani bagwi Narendra Modi no hambai yapharkha. Aboni logi Loksobha session oh rastrapati kok narukmano khobui kwbangma topic no twiwi tei kaisa bill pass khwlaijaknai. Loksobha chongmari paimani yagulo kendra ni ojama sngni dagimung bai kaisa panda songchajakha hinwi sakha pradesh BJP ni president Rajib Bhattacharya. Asalo koktwma thumnai rokbai Ganda chara patimungni twiwi sungjagmani yagulo patimungno twiwi belai no kha khamjakha pradesh BJP ni president Rajib Bhattacharya. Bodol ni bwkhak twi Gandachara ni patimungno twiwi amchaini ojama sng bai koklam salaiwi tonglai oh. Aboni logi patimungno tongkwchang khwlainani bagwi naimwthang bodol no dagikha montri okra Dr.Manik Saha. Aboni logi bo teibu sakha, Montri, MLA ni kaisa bodol dakti no ah amchai no goriwi nainai. Patimungo khoti wngnai rokno chubachu khwlainani bagwi kok rikha pradesh BJP ni president Rajib Bhattacharya. Phainai panchayat chongmari no BJP ni wngwi batainai rokni mung sai nani bagwi kaisa committee swnamjakha hinwi sakha. Oh committee jora kisa ni yagulo no batainai rokni mung no sakhwlai rinai. Aboni logi bo teibu sakha, panchayat chongmari oh IPFT, Tipra motha bodol ni tamo yakumu tongnai abono twiwi khungtham bodolni koklam panda wngmani yagulo no yapri naharjaknai hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
