Aulini Usha bazar ni Bharat Ratna songha ni secretary Durga prasanna Deb eba Vicky no bwtharnai mastermind Raju Barman no thanai swrang salo Guwahati oh thangwi ramwi kha police. Sangrong salo bono birkhung bai Agartala oh tubujakha. Phasalo romjaknai Raju Barman no police remand sanwi dorbar nogo tisana twlangkha. Asalo dorbar nogo Usha bazar Bharat Ratna songha amchaini kwbangma borok rok phaiwi Raju Barman no Trial Custody tei phasi rinani bagwi sanlaikha. Amchaini lukorog sakha, romjaknai Raju Barman yogwi thangkhe amchai oh teibu abohai patimung patiwi mano hinwi sakha borok. Aboni bagwi amchai rwgwi tongkwchangni boyer toninani bagwi romjaknai Raju Barman no Trial Custody tei phasi rinani bagwi sanlaikha amchaini lukorog. Asalo cherai no twiwi amchaini lukorog bai baksa dorbar nog bwskango thangkha thwinai Durga Prasanna Deb ni bihik. Raju Barman no khobui oh patimungo gedaljak joto no phasi rinani bagwi sankha Vicky ni bihik bo. Oh patimungno twiwi montri okra no kisa naikolna bagwi koikha bo. Asalo dorbar nog bwskango Raju Barman no kwrak satok mung rinani bagwi khorang tisalaikha amchaini lukorog. Swkangni koktwma no rwgwi dorbar nog bwskango kwrak security system tonikha naimwthang bodol. Asalo naimwthang bodol ni chaitokmung bai no dorbar nog bwskango tongkwchang ni boyer tubuwi mankha hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
