Huijak koktwma ni bising twi swrang sal ni horo dharmanagar thana police tei assam rifle ni sengkwrak rok dharmanagar salthang chandrapur amchai o ni simi Hoshen ali ni nogo naitug mwng khwlai kha. police tei assam rifle ni naichermwng o Hoshen ali ni nok ni simi 22.5 gram phekjak nai manwi mankha, phiya ba police phainai abo sai manwi pati mwng thai ni simi Hoshen alu kharwi thangkha, bini nok ni simi phekjak nai manwi man mani abo hati o dor ungnai 1 lakh rang.dharmanagar thana ni police okra naikolnai kokthum thumnai ni bwskang o sawi khuna rwkha pati mwng no twi. bo teibo saklaikha, kharwi thang nai Hoshen ali no romna bagwi dal bidal thai o no naitug mwng khwlai jak tongkha, sathai kwlai o salthang chandrapur o Hoshen ali kwdukma sal romwi no drugs ni bania khwlai phai tong mani, ah pati mwng no twi agi ni simi no police ni thani koktwma sokphai jak. phiya ba police asuk sal romwi kaham khe sep manya ungwi tong mani. swrang sal ni horo nogo naitug mwng khwlai phano Hoshen ali no romwi manliya police. pati mwng no twi dal bidal mohol o swng mwng kasai tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
