Jolo jiban mission ni samwng bwtang o samwng khwlaina bagwi phawi khorok sa sikla bwthar jakha, phiya ba thwi thang nai sikla ni mwng tabuk phano sai manya kho.patimwng kokti salni horo santirbazar bwkhaste bai khobjak debdaru rangachora buddha mandir gana amchai o. Santirbazar bwkhaste bai khobjak debdaru ranga chora buddha mandir gana amchai o ‘jolo jiban mission’samwng bwtang ni tui ni machine achugrwna ni bagwi samwng ungai tong mani, khorok bwrui samwng khwlainai ah machine achug rwna ni samwng o gwdal jak tong mani,kokti sal ni hor ni dam chuku tamwi sati tham chi o borok ni khorok bwrui ni bising o khorok sa ni mang kwthui mankha police. thwi thang nai sikla ni mwng tabuk phano sai manya kho. ah pati mwng o gwdal jak wansugwi khorok tham no romkha police. ah salo police ni okra naikolnai saklai kha, pati mwng ni koktwma manwi ranga chora o phawi sokphai kha, phawi nugwi mankha mang kwthui bwskang o aadhar card bo kwlai jak, aadhar card o mwng tong o Indrajit shil, phiya ba thwi nai sikla ni mwng Indrajit shil da abo rok kaham khe sai manya ungwi tong kha police ni okra naikolnai. tei khak sa phasing khe dorbar no yago twi police pati mwng no cherwi naikol tongkha, romjak nai khorok tham ni mwng saliya police, abo hai pati mwng no kitingwi amchai gwngui no haihola unglai jak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
