Nok gana ni bolong bising ni simi khorok sa sikla ni khachijak mang kwthui mankha, thwi thangnai sikla ni mwng Debabrata chanda, pati mwng khowai dholabil amchai o. Tang salni phung o nok gana ni bolong bising ni khorok sa sikla ni khachijak mang kwthui mankha khowai thana ni police. thwi thang nai sikla ni mwng Debabrata chanda. pati mwng khowai thana bai khobjak dholabil amchai o. tei khak sa phasing khe bwtharwi khachi rwkha hwnui kok silsamwng kasai tongkha nok ni borok rok ni bwkhak twi. thwi thangnai sikla ni buma ni kok silsamwng, amchai ni no tong nai khorok sa borok ni tomtom battery khokjakha sal nwi saltham ni swkang, tomtom ni nokphang ah pati mwng o Debabrata chanda no abo hai samwng khwlai kha hwnui kok silsamwng khwlai kha, tomtom ni nokphang ah pati mwng thana o saiya karwi salisi sabha ringwi pati mwng no twi sep naharkha. abo ni bising o Sagar deb,Sayan das,Mithun roy, Porotosh deb ni logi teibo khorok nwi khorok tham sikla Debabarta ni nogo thangwi choprobkha. abo ni ulo samwng hamya khwlainai rok Debabrata ni nok ni borok rok no humki rwkha, Debabrata chanda no naitugwi tikhlai borok ni yago yapharwi rwna ni bagwi, borok battery khokjak mani pati mwng o salishi sabha khwlai nai tei 1.50 lakh rang jorimana khwlai nai, tei khaksa phasing Debabrata chandra ni mama bono naitugwi nogo tubwi phai kha, lai thanai sal tham romwi pti mwng no twi salishi sabha bo ungkha, phiya ba salishi sabha ni ulo phano Debabrata chanda ni bwthar khibnai hwnui humki rwoi samwng hamya khwlainai rok abo hai khe no kok silsamwng khwlai kha thwi thang nai sikla ni buma. bini buma saklai kha, salishi sabha ni saltham ni ulo tang salni phung o nok gana ni bolong bising o Debabrata chanda ni khachijak mang kwthui mankha. tei khak sa phasing khe pati mwng ni koktwma manwi thangwi sogwi kha khowai thana ni police. police mang kwthui no cherwi naikolna bagwi hangkor sakham nogo rohor kha. kaisa dorbar yago nawi pati mwng no twi cherwi naikol tongkha khowai thana ni police.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
