Kokti salo joto hakotor bai baksha khe haste o palai jak tongkha mwtai jaganath deb ni rath yatra, ah kwthar ter no kitingwi rajakhor aguli ni o phung ni simi chikon chikon rath lama o ongkhor mani nukjakha. Rath yatra abo kaisa hindu dharma ni kotor ter. bharat ni odisha,jharkhand,pachimbanga tei bangladesh o ah rath yatra ter kotor khe palai jak mani nuk jago. taklai bisi o no hakotor gwnagui kokti salo palai jak tong kha rath yatra.abo ni logi chini haste o bo rath yatra ter palai jak tongkha tongthoklai mani bising twi, kwduk ma bisi ni kahai taklai bisi o bo rajakhor aguli o rath yatra ni kotor ter songsa jakha rajakho aguli ni jaganath bari mandir o. bo no karwi bo iskon mandir, shivbari o palai jak tong kha rath yatra ter. ah rath yatra no kitingwi bisi brum brum ni hai taklai bisi o bo kokti salni phung ni simi aguli ni lama rogo chikon chikon rath ongkhor mani nuk jakha, ah salo chikon chikon rath no soton lai mani nukjakha tong churai ni simi okra chakra rok nobo. ah salo khorok sa borok chikon rath swnamwi lama o tikhlainai bo saklaikha, tini ni sal ni bagwi bisa romwi nasigwi tong o. rath yatra ni sal sini ni swkang no rath swnam nani samwng chengwi rwoh. ah salo chikon rath twbui aguli o berai tong mani jora o khorok sa rath soton nai sakha, aguli ni ramthakur sangha, motor stand ni dal bidal lama berailawi jaganath jeo mandir ni phasing thang nai. tei khak sa phasing khe rath yatra ter no kitingwi taklai bisi o kwrak sakthar mwng rwjak kha haste ni administration ni bwkhak twi, sarig ni dam tham ni simi jaganath jeo mandir o rath o kawi berai nai jaganath, boloram, subhadra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
