Loku rok no tongthok mani rwna ni bagwi taklai bisi o haste tei phatar haste ni footballer rok no twi bodol khator nani nai tong kha Nine Bullets Club, kokti salo kwthar rath yatra ni salo club ni bwkhak twi bwra mwtai rwlai mani nukjakha. Football thung nani swkang kaisa rauda ungkha bar mwtai rwlai mani,haste o dal bidal football club o ah mwtai rwlai mani nukjago. kokti salo ungkha rath yatra, ah rath yatra eba kwthar sal no kitingwi bar mwta rwoi football thung nani samwng yago naharkha rajakhor aguli ni Nine Bullets Club. lai thanai football ni jora o B division football league o champion ungwi taklai bisi o A division football league o thung nani sep mankha Nine Bullets Club. kokti salo swami vivekananda thung khola o club ni bwkhak twibar mwtai rwlai mani nukjakha. taklai bisi o Nine Bullets Club football team ni naikolmwng o tong nai Prakash debbarma saklai kha, loku rok ni bwskang o kaham thung mwng phunuk nani bagwi taklai bisi o haste tei phatar haste ni simi kwbangma footballer rok no twi no bodol khator jak kha. bodol ni coach ungkha Karnendu debbarma, lai thanai bisi o Karnendu ni naikol mwng o no B division league champion ungkha, abo simi no lai thanai bisi o Mangal debbarma, Amit jamatia, Rajib sadhan jamatia, Shiva debbarma tei mizoram ni striker James taklai bisi o bo bodol ni ungwi thung nai, abo ni logi phatar haste ni kwbang ma footballer taklai bisi o Nine Bullets bodol ni jursey chumwi no football thung nai. phiya ba bodol o taklai ISL thung kha abo hai footballer no tub nani nai tong kha. ah salo Prakash debbarma sakha, o tal ni 29 tei 30 july ni bising o joto player rok no phawi sokphai nai, abo ni ulni simi no practice chengwi rwjak nai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
