Rath yatra no kitingwi rajakhor aguli o songsa jak mani iskon mandirtei jaganath bari ni rath yatra ni samwng bwsuk jora twi ung kha abo no naicherna bagwi thangkha salthang hangkor ni hangkor naikolnai Dr.Vishal kumar. Kokti salo prabhu jaganath deb ni rath yatra, hakotor bai baksha khe haste o bo tongthok lai mani bising twi palai jak tong kha rath yatra, rajakhor aguli o rath yatra joto ni swlai kotor khe songsa jago jaganath jeo mandir o. lai thanai bisi o kiphil mani rath yatra o kumarghat ni iskon mandir ni pati mwng ni kok mwitu tonwi taklai bisi ni rath yatra no twi administration ni bwkhak twi kwbangma raida yago nahar jakha, kokthum panda khwlawi salthang hangkor ni hangkor naikol Dr.Vishal kumar ah raida ni kok sawi rwkha. administration ni kok ni kahai da samwng ungkha abo rok no naicherwi naikolna bagwi kokti salni dipor o rajakhor aguli ni iskon mwtai nogo tei jaganath jeo mandir o thang kha hangkor naikolnai Dr.Vishal kumar. kok sakha kai nwi mwtai nok ni naikolnai rok bao, abo ni ulo kokthum thum nai ni bwskang o salthang hangkor ni hangkor naikolnai sakha, rajakhor aguli o rath yatra ter no kitingwi je raida rwmani abo hai khe no samwng yago naharkha. sathai kwlai o, lai thanai bisi o je kumarghat o kirima sinsa pati mwng pati mani ah kok no mwitu tonwi no abo hai samwng yago nahar kha naikolnai rokni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
