Loku rok ni bagwi teibo barja kwbang naharwi samwng khwlai nani bagwi sakha saknaikol nai rok no. abo hai khe no kokti salo rajakhor aguli ni IMA ni bwkhak twi sak tharwi thwi rwmani panda songsa mani o kok samani nuk jakha haste ni montri okra Dr.Manik saha. National Doctor’s Day no kitingwi kokti salo rajakhor aguli ni Indian Medical Association ni haba nogo kaisa sak tharwi thwi rwmani panda songsai rwjakha, Indian Medical Association eba IMA haste tang bedek ni luajimung bai sak tharwi thwi rwmani panda songsai rwjakha, thwi rwmani panda o nograi okra ungwi phawi manjak phai kha haste ni montri okra Dr.Manik saha, abono karwi bo phawi manjak phai kha IMA ni achugphang Dr.Sanjib debbarma, ah panda o kok narugna phuru montri okra saklai kha, hasteni sak naikolnai rok tong kosong loku rok ni bagwi samwng khwlai tong kha, loku rok kaham no sep manwi tong kha sak naikolnai rok ni thani, phiya ba sak naikolnai rok no bo loku rok ni bagwi teibo barja kwbang nahar nani nang nai, ah salo sak tharwi thwi rwmjani panda songsa nai rok no lamsogmwng yaphar kha has te ni montri okra Dr.Manik saha. ah salni twhi rwmani panda ni logi buphang busa kai mani panda bo songsai rwjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
