Tripura haste ni borom gwnang montri Sukla Charan Noatia ni ama Mangalkanya Noatia chasalo atomsakhe oh naithothok swngcharno yakarwi thangkha. Sukla Charan ni ama mwtai chamani koktwma manwi belai no kha-khamjakha haste ni montri okra Dr.Manik Saha tei haste ni kwcham montri okra eba loksobha ni kwtal MP Biplab Kumar Deb. Tripura haste ni hamkrai ni bagwi sak tharwi sak sak ni barja manwi samung khwlaiwi tonglaimani borok. Aboni logi Sukla Charan Noatia ni nukhungni borok rokno kha-khamsamung yapharkha oh khorok nwi haste ni kuchuk beremni ojama sng. Borom gwnang Sukla Charan Noatia ni ama ni phola Mwtai ni yakungo thai manani bagwi surilaikha borok. Asalo koktwma manmani yagulo logi logi no patimungo thangwi sogwiwi manya phano, social media ni bising twi borokni nukhungni borok rokno kha-khamsamung yapharkha oh khorok nwi ojama sng. Patimungni yagulo borokni logi haste ni joto lukorog no belai no kha-khamlaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
