Cha sal ni simi pragna bhavan o haste ni dental surgeon no twi hastw gwnagui no training process songsa jakha, ah panda no songsai rwkha haste ni montri okra Dr.Manik saha,National Health Mission ni National Oral Health Program ni bwkhak twi training sibir o Health and Family Welfare tang bedek ni kwbangma kwchug thai ni okra naikolnai rok phawi manjak phai kha, ah panda o kok narugna phuru montri okra Dr.Manik saha sakha, agartala government dental college o je sep tong o hakotor ni kwbangma dental college o abo hai sep tabuk phano kwrui kho. abo simi ya phai tong nai sal o teibo kaham sep man nai haste ni loku rok hwnui sakha montri okra. tei abo ni logi GB sakham nok ni saknaikol mwng bo kaham khwlai jakha, GB ni hai dental college ni hai khe no IGM sakham nok ni dental sep man nai.montri okra teibo sakha north east ni bising o joto ni swlai agartala government dental college ni mwng kwchug o kathung.
Ah salo montri okra kok narugna phuru sakha, kebengnai bbodol rok samani nukjago haste o job kwrui hwnui. phiya ba bisi dok ungwi khaksa ungkha hapang tabuk sak 13 thousand 600 jona no job rwjakha,ah panda o phawi no teleconsultation service no bo songsai rwkh montri okra Dr.Manik saha.
