Lai thanai tang salo udaipur RK pur thana bai khobjak rajnagar boro tila amchai ni tong nai Aleka bibi ni khorok sa bwsajula no twi amchai ni loku rok sabha khwlai kha, tangwi hwnkhe Aleka bibi ni bwsajula no twi kok silsamwng tong mani. abo ni bagwi no amchai ni loku rok patimwng notwi sabha ringkha. ah sabha o khorok tham chi ni kahai kami ni loku rok tong mani,tei nokni phatar o tongmani khorok chi ba ni sebo kwbang kami ni loku rok . sabha chengdrop rogo no Aleka bibi ni bwsajula no bwtok khwlai kha amchai ni no tongnai Dulu mia,Sofor mia tei Munaf mia ni logi teibo khorok nwi khorok tham. bwsdajula no bwtok khwlai mani nugwi buma thangwi kebeng mwng khwlai kha, phiya ba samwng hamya khwlainai rok Aleka bibi no bo bwtok khwlai mani nukjakha.pati mwng thaio no lengwi tola o kwlai thang kha Aleka bibi. logi logi no udaipur sakham nogo twlang thang kha, aro ni saknaikol nai rok Aleka bibi no tei mwthangwi manliya, abo ni ulo Aleka bibi ni mang kwthui cherwi naikol mani ulo nokni borok ni yago tisai rwjakha, ah pati mwng no twi singkilik nani bagwi nai tong kha amchai ni loku rok tei samwng hamya khwlainai rok. sathai kwlai o, thwi thang nai nok ni borok rok no thana o dorbar ta khwlai di hwnui humki rwoi tongkha. pati mwng sai mani pha sal ni sanja jora no pati mwng thaio thangwi sogwi kha kojthum thum nai. ah phuru sep manwi thwi thang nai Aleka bibi ni khorok nwi bwsajula kokthum thumnai ni bwskang o joto kok sawi khuna rwkha. ah pati mwng no kitingwi rajnagar boro tila amchai ni kami ni tong nai loku rok ni bising o hai hola ung lai mani nukjakha. joto pati mwng sai man phano Rk pur thana ni police siring siring ungjak hwnui kok silsamwng kasai tong kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
