Belai watwi phaima bagwi nog kowagmani haa bai phobjagwi thwikha bihik bwsai. Thwinai rokni mung wngkha Jhuma Tati, omar 26. Rajen Tati omar 35. Oh patimungo khorok nwi bwsajwk belai no sago dukhumankha hinwi saimankha, bwsajwk ni mung wngkha Riya Tati, omar 13, Pio Tati, omar taltham. Kwrak salni hor kwthogo Khoyerpur ni Meghlipara panchayat ni Dharmatila amchaio oh patimung patikha. Patimungno twiwi Rajen ni bwphayung sakha, kwrak salni hor kwthogo oh patimung patikha. Ah jora oh kisa kisa watwi phaiwi tongo, ah jora oh atomsakhe khorang khwnawi nogni ongkhorwi nogwi mankha je bini bwta sngni nog baiwi kwlaijak. Nog bisingni chiri khokmani khorang phaikha. Aboni yagulo amchaini lukorog dakti dakti no phaiwi wall ni haa no norwi borokno khochawi sakham nogo twlangkha. Aro check khwlaimani yagulo belai sak barimani bagwi borokno GB sakham nogo refer khwlaijakha. Phiyabha GB sakham nogo twlangwi sak phunukmani yagulo hor kwthogo hayungno yakarwi thangkha bini bachwi Jhuma Tati. Aboni yagulo phungni aichugo bwta Rajen Tati bo swngcharno yakarwi kwlangkha. Oh patimungo belai no sak derakha taltham ni cherai Pio Tati. Tabok GB sakham nogo sak naikoljagwi tongo. Oh patimungni koktwma manwi amchaini lukorog swrang salo GB sakham nogo thangkha. Post-mortem khwlaimani yagulo bihik bwsai ni mangkwthwi no borokni nukhungni borok rokni yagu yapharwi rijakha. Patimungni yagulo Maglipara panchayat amchaini lukorog belai no kha-khamlaijak.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
