Haste oh salbrom no hamya raida bai kwbangma bangladeshi rok habwi tongo. Kwrak salo khorok chi sa bangladeshi rokno romkha Agartala GRP thanani police. Romjaknai rokni bisingo khorok chuku wngkha bwrui, khorok sa omar kasukya cherai, tei khorok nwi wngkha chwla. Borokno tubunai khorok nwi indian no bo romkha police. Romjaknai rokni mung wngkha Alamin Sardar, Abu Hanif Sardar, Sumaiya Akhter, Tumpa Hawk, Baishakhi, Lakhi Akhter, Jharna Begum, Adhuri Khanam, Akhi Sheikh, Lakhi Akhter, Dipa. Borokni jotoni nogno bangladesh oh hinwi sakha Agartala railway station ni GRP thanani police officer Tapash Das. Borokno kok sungwi Madhapur thana bai khobjak amchaini khorok nwi dalal no bo romkha hinwi sakha police. Swrang salo police remand sanwi borokno dorbar nogo tisajaknai hinwi sakha bo. Khursathai kwlai oh , takwlai bisi oh tabokswk jora 116 bangladeshi no romkha Agartala GRP thanani police. Borokno ari par wngthani chubachu khwlainai 18 dalal no tabokswk jora romkha hinwi sakha police. Ari oh BSF sengkrak rok tongmani yagulo bo bahai khe bangladeshi rok hakotor oh habwi mann hinwi sungmung tisawi tongkha. Aboni logi hakotor ni safety no twiwi bo kwbangma sungmung achaiwi tongkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
