Kiasa naithothok Tripura swnam nani bagwi thnsa ungwi samwng khwla nani bagwi koimwng khwlai kha pradesh BJP ni achugphang Rajib bhattacharjee, kwrak salo BJP 12 takarjala mondal ni luajimung bai belbari RD block community hall o panda songsa mani o phawi khuk kengkha Rajib bhattacharjee. Bharat keshari Dr.Shyamaprasad mukharjee ni mwtai chamani sal 23 june ni simi achai mani sal jora dal bidal samwng bwtang yago naharkha bharatiya janata party. joto hakotor gwnagui thansa ungwi samwng bwtang songsa jak tong kha. ah salno kitingwi kwrak salo himbotok tei nangkuk mani sabha chengwi rwkha BJP 12 takarjala mondal committee ni bwkhak twi. belbari RD block community hall o panda songsa jakha, ah panda o nograi okra ungwi phawi manjak phaikha bharatiya janata party Tripura pradesh achugphang Rajib bhattacharjee,ah panda o kok narugna phuru Rajib bhattacharjee sakha, taklai bisi ni loksabha chongmari o 12 takarjala kendra ni 51 booth ni simi BJP ni batainai Biplab kumar deb no kwbang vote bai khwlai khwlai kha mandali ni loku rok, abo ni bagwi mandal ni joto loku rok no hambai yaphar o. bo teibo sakha, haste o kai nwi loksabha kendra o no BJP ni batainai rok kwbang vote manwi no kwplai ungkha, abo simi montri bokhorok Narendra modi ni bagwi no ungwi man kha. Tiprasaloku rok ni kaham khwlaiya hwnkhe haste ni bo kaham ung galak, hapang ah naikol mwng no bwskang o tonwi no samwng khwlai tongkha hwnui sakha, ah salni samwng bwtang o 12 takarjala mondal ni joto booth ni simi loku rok no phawi manjak phai mani nukjakha, abo ni logi phawi manjak phai kha dal bidal shakti kendra ni naikolnai rokbo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
