Tang salo Agartalani Pragna Bhaban oh songsajak mani Stop Diarrhea ni pandao manjak kha montri okra Dr.Manik saha. pandao manjakgwi bo haste joto sak ham ni berem rogno twiwi kok sakha montri okra . Hasteni joto duphani lukurogni hamkwraino naharwi sak naikulmungni kaham sep no rina bagwi samung khwlaiwi tongo Hasteni haphang. amoni bagwi kwbangma dal bi dal ni yapri kwtal nahar kha haste haphang.” jotoni bagwi kaham sak ham ” oh naharmungno twiwi samung khwlaiwi tongo haste haphang. heart ni problem bai gwdaljak cherai bwsa rogno bo magnano sak naijakna bawi sep rioi tongo haste haphang. tei haphani 2025 bisini bisingo 100 % TB bemar kwrwi kami swnam bagwibo yapri naharwi tongo haste haphang. tang salo agartala praga bhaban oh songsajak mani kaisa pandao manjak gwi omo hai sakha hasteni montri okra Dr.Manik saha. 1 july ni simi 31 august jora cholinai oh samung bwtang. montri okra teibo sakha , watwini jorao cherai tei omar chakrak ni lukurog diarrhea rog manjakgo. oh bemarno narwkna bagwibo kwbangma yapri naharwi tongo haste haphang. amoni wngwino omar bisi tham ni ismi romwi bisi ba jorani cherairogni nogo thangwi haphangni bwkhaktwi cherai rogno ORS tei Zing Tablet charijak kha. haste haphangni kaham chaitukmungni bisingtwi tabok hasteni bemarni bagwi cherai tei buma rogni thwimani mari komi kha. omo hai no sakha hasteni montri okra Dr.manik saha. Pandani kok narwkmao Asha ni samung khwlainai rogni bagwi kaham sakha montri okra.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
