Kami hatai ni loku rok kaham nung jak nai tui manya ungwi tong mani bagwi sak rok bo hamya rogo kwlai mani nukjago, abo hai khe no kok silsamwng kasai phaikha 29 krishnapur bidhansabha bai khobjak mungiyakami block amchai ni bising o nonachora ADC village ni praja bahadur molsom amchai ni tong nai loku rok ni khuk o. 29 krishnapur bidhansabha bai khobjak mungiyakami block amchai ni bising o nonachora ADC village ni praja bahadur molsom amchai o nungjak tui ni beyal o kwlai jak kwdukma sal romwi no. ah amchai ni loku rok mwikhutung phalwi no rang aji o. ah amchai o nwkhung ba chi tong o. ah amchai ni loku rok kwdukma sal romwi no nungjak nai twi ni beyal o kwlai jak hwnui kok silsamwng khwlaikha, kaham nungjak nai tui kwrui ni bagwi hamya tui mang nung nani nang o. kaham tui ni sep salo waisa simi rwoi kwlang o khung sa malkhung bai khwlawi, phiya ba ah kaham nung jak nai tui bo sal nwi saltham o waisa se phawi rwoi kwlang o. ah tui ni malkhung phaiya hwnkhe hakor bising ni tui no nung nani nang o kami ni loku rok no. ah nung jak nai tui ni kok amchai ni adong eba montri rok no sawi phano mwng sa bo samwng ungya hwnui kok silsamwng khwlai kha,kami ni loku rok ni tabuk kaisa no saklai mwng, dati khe nung jak nai tui ni sep khwlai rwthung haste hapang ni bwkhak twi.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
