Chasalo T-20 World Cup ni Final match oh south-Africa no mechenwi rikha Indian Team. 7 run bai kwplai wngkha India. Indian team T-20 world cup oh kwplai wngmani bagwi hakotor ni lukorog ni kha belai no tongthokjak. borokni logi hakotor ni montri bokhorok Narendra Modi bo belai no kha-tongthokjak. Indian team no kha kaham tei hamjakma yapharkha montri bokhorok Narendra Modi. Aboni logi bo teibu sakha, Indian team kwplai wngmani bagwi belai no kha-phurlaijak hakotor ni lukorog. World cup oh kwplai wngwi hakotor ni 140 crore lukorog ni kha-oh thai swnamkha indian team. Hayungni kwbangma bodol no mechenwi waisa phano chengya karwi final match oh kwplai wngnani belai no kotor kok hinwi sakha montri bokhorok Narendra Modi. Asalo Indian team ni joto members rokno kha kaham tei hamjakma yapharkha haste ni montri okra Dr.Manik Saha. Koktisalo Bdharghat oh montri bokhoro ni ‘Mann ki bath’ panda paimani yagulo kok narukna thangwi indian team rokno kha kaham tei hambai yapharkha montri okra. Bini logi Indian team rokno kha-kaham yapharkha pradesh bjp ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
