T-20 World cup final oh South-Africa no 7 run bai mechenwi rikha India. Aboni bagwi hakotor gwnangwi belai no tongthoklaijak lukorog. Haste oh bo abobai no tongthoklaimani nukjakha. India kwplai wngmani bagwi Chasalni horo tongthoklainani bagwi scooty twiwi ongkhorkha haste ni khorok nwi sikla. Phiyabha thongthoklaiwi bike tei scooty chalokthani dadak sidak thuthaikha. Ah patimungo scooty chaloknai Ratul Banik mungwi khorok sa sikla thwikha. Bini kami Joynagar amchai oh hinwi saimankha. Patimungo bike chaloknai Roni Sutradhar bo belai no dukhumankha hinwi saimankha, bini nog Champerbazar amchai oh hinwi saimankha. Chasalni horo aulini Lakkhinarayan bari amchaio patimung patikha. Oh patimungno twiwi khorok nwi sikla rok sakha, borok bike bai khwlaiwi nogo kiphilwi tongmani. Phiyabha Lakkhinarayan bari bwskango phaiwi nugwi mankha ah khorok nwi sikla rok lama kwcharo thwichacharwrw wngwi kwlaijak. Aboni logi no police phaikha. Police ni malkhung bai khwlaiwi khorok sa sikla no GB sakham nogo twlangkha. Aboni logi tei khorok sa sak deranai no GB sakham nogo twlangkha hor bwtharnai brindhiya sng. Koktisalo Ratul Banik ni post-mortem khwlaimani yagulo bini mangkwthwi no nukhungni borok rokni thani yapharwi rikha. Oh patimungni yagulo belai no kha-khamlaijak Joynagar amchaini lukorog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
